Vitali Borisov: Millinin yeni baş məşqçisinin kim olmasının mənim üçün fərqi yoxdur

Futzal üzrə Azərbaycan yığmasının oyunçusu Vitali Borisov sentyabr ayında Kolumbiyada keçiriləcək dünya çempionatı öncəsi millimizin baş məşqçi axtarışlarından danışıb. Azerisport.az saytına açıqlamasında o, bunları söyləyib:

"Millinin yeni baş məşqçinin hələ də bəlli olmamasında problem görmürəm. İstənilən halda biz onsuz da istirahətə yollanırıq. Bu müddət ərzində federasiya rəhbərliyi yeni baş məşqçinin kimliyinə aydınlıq gətirəcək. Mənim üçün milliyə kimin rəhbərlik etməsinin fərqi yoxdur. Bu, ispan da ola bilər, braziliyalı da, azərbaycanlı da. Əsas nəticədir və ümid edirəm ki, yeni baş məşqçi ilə buna nail olacağıq".