Birinci Divizion tarixində ilk dəfə
Futbol üzrə Azərbaycan Birinci Divizionunda çempionatın sonuna 1 tur qalmış qızıl medalları təmin edən “Neftçala” ölkə futbolu tarixinə düşüb. Azerisport.az xəbər verir ki, əyalət klubu aşağı divizionda 2 dəfə qalib adını qazanan ilk və yeganə komandadır.
1992-ci ildən keçirilən yarışda indiyədək 21 dəfə çempion müəyyənləşib. Bu titula 20 komanda layiq görülüb. Ötən il çempion olub, Premyer Liqaya çıxış üçün lisenziya ala bilməyən neftçalalılar yenidən mübarizə apardığı Birinci Divizionda titulunu qoruya bilib. Onlara qədər fasilələrlə də aşağı dəstədə çıxış edənlərin heç biri iki çempionluq qazanmayıb. Xatırladaq ki, 1993/94 mövsümündə I dəstə 3 qrupda keçirilib və final mərhələsi iki “üçlük”də baş tutub. Amma bu mərhələnin qalibi olan “Zabrat” (Bakı) ilə “Azneftyağ” (Bakı) arasında çempionluq uğrunda matç keçirilməyib. 1997/98 və 1998/99 mövsümlərində ümumiyyətlə I dəstə olmayıbsa, 2002/03 mövsümündə Azərbaycanda çempionat baş tutmayıb.
Birinci Divizionun bütün qalibləri:
1992. “Nicat” (Maştağa)
1993. “ Xəzri” (Buzovna)
1993/94. Çempion müəyyənləşməyib
1994/95. “Şəmkir”
1995/96. “Xəzər” (Sumqayıt)
1996/97. “Göyçay”
1997/98. Keçirilməyib
1998/99. Keçirilməyib
1999/2000. “Şahdağ” (Quba)
2000/01. OİK (Bakı) (İndiki MOİK)
2001/02. “Lokomotiv” (İmişli)
2002/03. Keçirilməyib
2003/04. “Gənclərbirlliyi” (Sumqayıt)
2004/05. AMMK (Bakı) (İndiki AZAL)
2005/06. “Gilan” (Xanlar) (İndiki “Qəbələ”)
2006/07. “Masallı”
2007/08. “Bakılı”
2008/09. ABN-Bərdə
2009/10. “Gəncə” (İndiki “Kəpəz”)
2010/11. “Abşeron” (Bakı)
2011/12. “Qaradağ Lökbatan”
2012/13. “Ağsu”
2013/14. “Araz-Naxçıvan”
2014/15. “Neftçala”
2015/16. “Neftçala”
(PFL)
