Xəzər Lənkəranın yeni baş məşqçisi bəlli oldu

"Xəzər Lənkəran"ın baş məşqçisi Elbrus Məmmədov Topaz Premyer Liqasının 33-cü turu çərçivəsində "Kəpəz"ə 0:3 hesablı məğlubiyyətdən sonra istefa verib. Azerisport.az xəbər verir ki, klub rəhbərliyi onun bu istefasını qəbul edib.

Lakin klubun mətbuat xidmətindən aldığımız məlumata görə, bu istefanın tam olaraq sabah rəsmiləşməsi gözlənilir. Klubdan aldığımız digər məlumata görə, komandanı mövsümün son oyunlarına Ağadadaş Həmidov çıxaracaq. O, Məmmədovun məşqçilər korpusunda yer alırdı.

Qeyd edək ki, bu, cari mövsüm ərzində "Xəzər Lənkəran"da ikinci istefadır. Daha öncə Yunis Hüseynov baş məşqçi postundan istefa vermişdi. O, hazırda klubun icraçı direktoru kimi çalışır.