Millimiz Belçika ilə heç-heçə etdi

Bu gün Bakıda təşkil olunan 17 yaşadək futbolçular arasında Avropa çempionatında qrup mərhələsinin ikinci turu start götürüb. Azerisport.az xəbər verir ki, Azərbaycan millisi də turnirdə ikinci oyununa çıxıb.

A qrupu çərçivəsindəki ilk turda Portuqaliyaya 0:5 hesabıyla uduzan Təbriz Həsənovun çalışdırdığı komandamız bu dəfə daha bir güclü rəqiblə - Belçika ilə üz-üzə gəlib. Hansı ki, bu komanda açılış turunda Şotlandiyaya 2:0 hesabıyla qalib gəlmişdi. Amma millimiz bu rəqiblə oyunda heç-heçə etməyə nail olub.

Qrupun digər matçında Portuqaliya Şotlandiya ilə qarşılaşıb. Gözlənildiyi kimi, qrupumuzun favoriti inamlı qələbəyə sevinib.

Günün digər iki oyunu isə B qrupu çərçivəsində baş tutub. Ukrayna Avstriya, Almaniya Bosniya və Herseqovina ilə münasibətlərinə aydınlıq gətirib. Almaniya və Avstriya yığmaları inamlı qələbə qazanıblar.

17 yaşlıların Avropa çempionatı
Qrup mərhələsinin ikinci turu
8 may

A qrupu

Portuqaliya – Şotlandiya - 2:0 (1:0)
Qollar: Kina, 37 (1:0). J.Qomes, 55 (2:0).
Baş hakim: Qunnar Yarl Yonsson (İslandiya).
Bakı. “Dalğa Arena”.

Azərbaycan – Belçika - 1:1 (0:0)
Qollar: A.Boncovani, 72 (0:1). M.Mahmudov, 77 (1:1).
Baş hakim: Petr Ardeleanu (Çexiya).
Bakı. "Bakcell Arena".

Azərbaycan: 1. Məmməd Hüseynov (12. Kamran İbrahimov, 62), 2. Hüseyn Seyliqli (19. Ege Atlam, 75), 3. Ricat Qarayev, 4. Yusif Həsənov (16. Murad Mahmudov, 20), 5. Elçin Əsədov (k), 7. Fərid Nəbiyev, 8. Mətin Gülər, 10. Pilağa Mehdiyev, 14. İsmayıl Karakaş, 17. Barış Əkinciər, 18. Süleyman Əhmədov.
Ehtiyat oyunçular: 6. İbrahim Qədirzadə, 9. Doğukan Öksüz, 11. Nadir Qasımov, 15. Natiq Muxtarlı.
Baş məşqçi: Təbriz Həsənov.
Belçika: 1. Mile Svilar, 2. Sebastyan Bornau, 3. Zinyo Vanhesden, 4. Hannes Delkrua, 5. Daam Fulon, 6. Dauda Peeters, 7. Tibo Verlinden, 8. Milan Korren, 9. Jül Vanhake, 11. Adrien Boncovanni, 14. Ksian Emmers.
Ehtiyat oyunçular: 12. İlias Muta-Sebtaui, 10. Françesko Antonuççi, 13. Nataniel Frenua, 15. Lui Verstrate, 16. Lois Openda, 17. Sufyan Karkaş, 18. İndi Boonen.
Baş məşqçi: Tyerri Sike.
 
B qrupu

Ukrayna - Avstriya - 0:2 (0:2)
Qollar: Şmid, 7 (0:1). Müller, 21 (0:2).
Baş hakim: Sveyn Erik Edvartsen (Norveç).
Bakı. "Bakcell Arena".
 
Almaniya – Bosniya və Herseqovina - 3:1 (1:1)
Qollar: Baak, 2-öz qapısına (0:1). Akkaynak, 17-pen. (1:1). Otto, 66 (2:1). Otto, 72 (3:1).
Baş hakim: Peter Kraloviç (Slovakiya).
Bakı. “Dalğa Arena”.