Robert Prosineçki: Amil Yunanovu yığma komandaya hazır saymıram

Futbol üzrə Azərbaycan yığmasının baş məşqçisi Robert Prosineçki Topaz Premyer Liqasının səviyyəsindən, eləcə də "Sumqayıt"ın hücumçusu Amil Yunanovun milliyə dəvət alınmamasından danışıb. Azerisport.az saytına açıqlamasında o, bunları söyləyib:

"Ötən mövsüm çempionat daha güclü idi. O baxt çempionluq uğrunda "Neftçi" və "İnter" də mübarizə aparırdı. Amma bu mövsüm elə olmadı. Ona görə də bu mövsümü ötən çempionatla müqayisədə zəif hesab edirəm.

Amilə gəlincə, o, ötən il harada oynayırdı? "Qəbələ"dən sonra birinci divizionda oldu. Bu mövsüm isə "Sumqayıt"dadır. Bəli, Amil yaxşı oyunçudur, qollar vurur. Amma mən onu hazırda yığmaya hazır saymıram".