Vaqif Cavadov: Penaltini vura bilməmək mənim səhvim idi

"Sumqayıt"ın hücumçusu Vaqif Cavadov Topaz Premyer Liqasının 32-ci turu çərçivəsində "İnter"ə qarşı keçirdikləri oyunu şərh edib. Azerisport.az saytına açıqlamasında o, bunları söyləyib:

"Mövsümdə belə oyunlar az olur. Çox gərgin oyun oldu. Təəssüf ki, bu qədər qol vəziyyəti yaratdığımız halda, sonda heç-heçə etdik. Üç penaltidən demək olar ki, heç biri dəqiq yerinə yetirilmədi. Penaltidən başqa digər qol vəziyyətlərimizi da boşa verdik. Bütövlükdə, yaxşı oynadıq. Penaltini vura bilməmək mənim səhvim idi. İkinci qolu vurmağı çox istəyirdim".