Vitali Vernidubun atası da Azərbaycandan təklif alıbmış

"Qəbələ"nin müdafiəçisi Vitali Vernidubun atası, Ukraynanın "Zarya" klubunun baş məşqçisi Yuri Vernidub bəyan edib ki, o, qışda Azərbaycan klubundan təklif alıbmış. Azerisport.az xəbər verir ki, o, bunları qeyd edib:

"Mənə üç klubdan dəvət gəlmişdi. Biri Ukraynadan, digərləri isə Azərbaycan və Qazaxıstandan idi. Amma mən Ukrayna çempionatında nəyəsə nail olmaq istəyirəm. Məsələn, hansısa mükafat qazanmaq, medalçılardan biri olmaq pis olmazdı. Amma bizim indiki şəraitimiz və imkanlarımız hər kəsə bəllidir. Buna baxmayaraq, yaşayırıq".