Azərbaycan kuboku: 1/2 final rəqəmlərin gözü ilə

Bu həftə Azərbaycan kubokunda 1/2 final mərhələsinə start veriləcək. Azerisport.az xəbər verir ki, aprelin 27-də kubok uğrunda mübarizəni davam etdirən komandalar ilk 1/2 final oyunlarına çıxacaq.

Peşəkar Futbol Liqasının rəsmi internet saytı üz-üzə gələcək cütlərin kubok yarışlarındakı əvvəlki duellərinin balansını təqdim edir.

Azərbaycan kuboku
1/2 final, ilk oyunlar
27 aprel (çərşənbə)

16. “İnter” – “Qarabağ” - 5 oyun, +2=1-2, top fərqi 5:4

Kubokda 3 dəfə yolları kəsişən komandalar 5 oyunda qüvvələrini sınayıblar. 1/8 və 1/4 finala təsadüf edən duellərdə iki oyunun yekununda “İnter” qalib gəlib. Yeganə final matçında isə “Qarabağ” üstün olub. 7 ildən sonra bu yarışda üz-üzə gələn komandalar ilk dəfə yarımfinalda münasibətlərini aydınlaşdıracaq. Əvvəlki oyunlara nəzər salsaq, “İnter” evdə quru hesablı qələbə qazanıb, “Qarabağ” isə öz meydanını qolsuz tərk etməyib.

17. “Neftçi” – “Qəbələ” - 1 oyun, +0=1-0, top fərqi 1:1

İndiyədək kubokda yolları yalnız 1 dəfə kəsişən komandalar iki il əvvəl finalda qarşılaşıblar. Heç-heçə başa çatan matçın taleyini penaltilər seriyası həll edib. Daha dəqiq olan “Neftçi” kubokun sahibi olub.