Azərbaycanlı futbolçuların klubu yenə məğlub oldu

Latviya çempionatında 5-ci turun oyunları keçirilib. Azerisport.az xəbər verir ki, azərbaycanlı futbolçular - Orxan Qurbanlı ilə Mirabdulla Abbasovun komandası - "Dauqava" da növbəti matçına çıxıb.

Sözügedən komanda doğma meydanda "Riqa" ilə qarşılaşıb. Matç futbolçularımızın komandasının məğlubiyyəti ilə başa çatıb - 0:2.

Bu oyunda Orxan start heyətdə meydana çıxıb və sona qədər mübarizə aparıb. O, 53-cü dəqiqədə sarı vərəqə ilə cəzalanıb. Mirabdulla isə 46-cı dəqiqəqə meydana çıxıb.

Qeyd edək ki, 5 turdan sonra 3 xala malik olan "Dauqava" 8 klub arasında sonuncu pillədə qərarlaşıb.