Andrey Popoviç: İki aydır əvəzedici heyətdəyəm

"Qəbələ"nin qapıçısı Andrey Popoviç klubdakı durumundan danışıb. Azerisport.az saytına açıqlamasında o, bunları söyləyib:

"Çox danışmaq istəmirəm. Çünki xüsusi danışılası bir şey də yoxdur. Üçüncü dövrədə "Kəpəz"ə qarşı keçirdiyimiz ilk oyun (0:3) yadınızdadır? Həmin oyundan sonra məni əvəzedici komandaya göndərdilər. Artıq iki aydır əvəzedici heyətdəyəm. Burada məşq edirəm, oynayıram. Bundan sonra necə olacağını isə bilmirəm. Roman Qriqorçukla danışmışammı? Xeyr, danışmamışam. Həmin oyundan sonra mənimlə danışmayıb. Əvəzedici komandaya göndərilməyim barədə qərarı da o verib".