Tural Hümbətov: Həmin anda sanki mənə İbrahimoviç gücü gəldi

AZAL-ın müdafiəçisi Tural Hümbətov Topaz Premyer Liqasının 30-cu turunda "Sumqayıt"a qarşı keçirdikləri oyunda (1:0) akrobatik üsulla vurduğu baxımlı qoldan danışıb. Azerisport.az saytına açıqlamasında o, bunları söyləyib:

"Belə gözəl qol vuracağımı gözləmirdim. Top mənə doğru gələndə fikirləşdim ki, necə zərbə vurum ki, qol olsun. Qərarım elə oldu və fikrimcə, gözəl qol oldu, Zlatan İbrahimoviç stilində. Həmin anda sanki mənə İbrahimoviç gücü gəldi və onun üçün belə qol alındı (gülür). O, mənim bu qoluma baxsa, həsəd aparar (gülür). Bu qolu bu yaxınlarda ailə həyatı quran bacıma həsr edirəm".