Məsimov oynadı, Domjale kubokda mübarizəni dayandırdı

Futbol üzrə Sloveniya kubokunda yarımfinal mərhələsinin cavab oyunları keçirilib. Azerisport.az xəbər verir ki, azərbaycanlı futbolçu Samir Məsimovun komandası - "Domjale" də bu turnirdə növbəti matçına çıxıb.

Sözügedən klub doğma meydanda "Çelye" ilə qarşılaşıb. Matç futbolçumuzun komandasının 0:1 hesablı məğlubiyyəti ilə başa çatıb. Məsimov bu görüşə start heyətdə çıxsa da, fasilədə əvəzlənib.

Qeyd edək ki, bu klublar arasındakı ilk oyunda da "Domjale" 0:1 hesabıyla uduzmuşdu. Bu üzdən də Məsimovun komandası kubokdakı çıxışını dayandırmalı olub.