Renat Dadaşov: Almaniyanın hədəfi Bakıda çempion olmaqdır
Almaniyanın U-17 yığmasının Azərbaycan əsilli futbolçusu Renat Dadaşov Bakıda keçiriləcək AÇ-2016-nın final mərhələsindən gözləntilərini açıqlayıb. Azerisport.az saytına açıqlamasında o, bunları söyləyib:
"Məndə hər şey qaydasındadır. Qarşıdakı Avropa çempionatına hazırlaşıram. Ümid edirəm ki, Bakıdakı yarış komandamız üçün yaxşı başa çatacaq. Hədəfimiz çempion olmaqdır. Bunu kim istəməz ki? Bunu Azərbaycan yığması da istəyir, digər komandalar da. Kim daha yaxşı çıxış etsə, o da çempion olacaq. Almaniya yığmasında mənə güvənirlər. Çox qol vuracağıma söz verməmişəm, amma komandamızın uğur qazanması üçün əlimdən gələni edəcəyəm. Azərbaycan yığmasına da uğurlar arzulayıram. Lakin düzünü desəm, hazırda bu komandanın necə oynadığını bilmirəm. Hər şey ola bilər. Allah eləsin ki, Azərbaycan qrupdan çıxa bilsin".
