Emin Nurinin komandası bir xalla kifayətləndi

İsveç çempionatında 4-cü turun oyunları keçirilib. Azerisport.az xəbər verir ki, azərbaycanlı futbolçu Emin Nurinin komandası - "Kalmar" da növbəti matçına çıxıb.

Sözügedən klub səfərdə "Höteborq"la qarşılaşıb. Matç heç-heçə başa çatıb - 1:1. Bu, "Kalmar"ın yeni mövsümdəki ilk heç-heçəsidir.

Qeyd edək ki, Emin bu görüşün start heyətində meydana çıxıb. Lakin o, 59-cu dəqiqədə əvəzlənib.

"Kalmar" geridə qalan turlarda topladığı 4 xalla 16 klub arasında 11-ci pillədə qərarlaşıb.