Elbrus Məmmədov: Bəxtimiz gətirmədi

"Xəzər Lənkəran"ın baş məşqçisi Elbrus Məmmədov Topaz Premyer Liqasının 30-cu turu çərçivəsində "Zirə"yə qarşı keçirdikləri oyunu şərh edib. Azerisport.az xəbər verir ki, cənub klubunun çalışdırıcısı 0:1 hesabıyla bitən qarşılaşmadan sonra bunları söyləyib:

"Maraqlı oyun oldu. Hər iki komanda hücum futbolu sərgilədi. Amma ani səhvimiz qolla nəticələndi. Buraxılan qolun əvəzini çıxmağa çalışsaq da, alınmadı. Bu gün müdafiədə oturduğumuzu deməzdim. Sadəcə, rəqib fasilədən sonra hücumlarının kəsərini artırdı. Biz də əks-hücum futboluna üstünlük verdik. Təəssüf ki, alımadı. Fikrimcə, bəxtimiz də  gətirmədi". (CBC)