Anyete: Neftçi heç də yaxşı oynamır
"Neftçi"nin hücumçusu Anyete Topaz Premyer Liqasının 30-cu turunun "Qarabağ"la oyunundan (1:2) sonra fikirlərini bölüşüb. Azerisport.az sizi həmin fikirlərlə tanış edir.
- Son dövrlər niyə jurnalistlərdən qaçırsınız?
- Xüsusi səbəbi yoxdur. Oyunçularımız çoxdur.
- 30 tur ərzində cəmi bir qol vurmusunuz. Buna necə şərh verə bilərsiniz?
- Futbolda belə hallar olur. Mən müxtəlif ölkələrdə iki dəfə bombardir olmuşam.
- Bəs burada niyə alınmır?
- Səbəblər çoxdur. Mövsümün əvvəlində və ortasında zədə ilə əlaqədar problemlərim oldu. Komandamız da çox yaxşı oynamır.
- Bəs "Qarabağ"a məğlubiyyəti necə şərh edərdiniz?
- Biz ən yaxşı komandaya qarşı oynayırdıq. Mübarizə apardıq, çalışdıq. Ancaq alınmadı.
- Niyə?
- Bunun iki səbəbi ola bilər: ya rəqib səndən güclüdür, ya da sən rəqibdən zəifsən.
- Rəqibin heyətində kimi xüsusi fərqləndirərdiniz?
- Onların xüsusi fərqləndiriləsi 4-5 futbolçusu var. Bütövlükdə, bu komanda çox güclüdür.
- Bolqarıstan mətbuatı sizi mövsümün ən uğursuz transferi adlandırıb...
- Bunu şərh etmək istəmirəm.
