İnterlə Qəbələni məyus edən klubları AL-dən qovdular
UEFA Avropa Liqasında yarımfinalçılar müəyyənləşib. Azerisport.az xəbər verir ki, bu mövsüm "Qəbələ" və "İnter"ə qarşı oynamış Almaniyanın "Borussiya" (Dortmund) və İspaniyanın "Atletik" klubları 1/4 finalda mübarizəni dayandırmalı olub.
Belə ki, "Qəbələ"ni hər iki oyunda məğlub edən dortmundlular İngiltərə "Liverpul"u ilə səfər matçında əsl faciə yaşayıblar. Belə ki, 57-ci dəqiqədə 3:1 hesabıyla öndə olan "Borussiya" qalan dəqiqələrdə 3 qol buraxaraq, meydanı 3:4 hesablı məğlubuyyətlə tərk edib. İlk oyun 1:1 hesabıyla bitdiyindən, növbəti mərhələyə İngiltərə klubu adlayıb.
"Atletik" isə İspaniya derbisində "Sevilya" ilə qarşılaşıb. İlk oyunda 1:2 hesablı məğlubiyyətlə üzləşən bu komanda səfərdə oxşar hesabla qalib gəlib. Əlavə vaxtda qapılara qol vurulmadığından, qalibi müəyyənləşdirmək üçün penaltilərə müraciət olunub. Daha dəqiq olan "Sevilya" 5:4 hesabıyla qalib gələrək, "Atletik"i mübarizədən kənarlaşdırıb.
