Samir Məsimovsuz Domjale səfərdə məğlub oldu

Futbol üzrə Sloveniya kubokunda yarımfinal mərhələsinin ilk oyunları keçirilib. Azerisport.az xəbər verir ki, azərbaycanlı futbolçu Samir Məsimovun komandası - "Domjale" də bu turnirdə növbəti matçına çıxıb.

Sözügedən klub səfərdə "Çelye" ilə qarşılaşıb. Matç futbolçumuzun komandasının 0:1 hesablı məğlubiyyəti ilə başa çatıb. Məsimovun adı bu görüşün iştirak ərizəsinə daxil edilməyib.

Qeyd edək ki, bu klublar arasındakı cavab görüşü aprelin 20-də "Domjale"nin meydanında keçiriləcək.