Muarem Muarem: Azərbaycan ilə sınaq matçının iştirakçısı olmaq istərdim

"Qarabağ"ın makedoniyalı yarımmüdafiəçisi Muarem Muarem mayın 29-da Avstriya toplanışı çərçivəsində Azərbaycan və Makedoniya yığmaları arasında keçiriləcək yoxlama oyununda iştirak etmək arzusundan söz açıb. Azerisport.az saytına açıqlamasında o, bunları söyləyib:

"Azərbaycan yığmasındakı inkişafı nəzərə alsaq, əminliklə bu komandanın hər oyunda qələbəyə oynayacağını demək olar. Azərbaycan millisi Makedoniya yığmasına da qalib gələcək gücdədir. Mən özüm də bu oyunda iştirak etmək istərdim. Bu görüş mənim üçün həm də xüsusi əhəmiyyət kəsb edərdi. Çünki "Qarabağ"da çıxış edən komanda yoldaşlarıma qarşı oynamaq şansı qazanmış olardım. Maraqlı olardı".