Vüqar Bəybalayev: Orxan Sadıqlıdan belə səhv gözləmirdim

"Xəzər Lənkəran"ın yarımmüdafiəçisi Vüqar Bəybalayev Topaz Premyer Liqasının 29-cu turu çərçivəsində "Neftçi"yə 0:1 hesabıyla uduzduqları oyunu şərh edib. Azerisport.az saytına açıqlamasında o, bunları söyləyib:

"Biz bu oyuna yaxşı hazırlaşmışdıq. Bir neçə qol vəziyyətimiz də oldu. Amma yararlana bilmədik. Rəqib isə ələ düşən şansdan yaxşı yararlandı. Qol epizodunda Orxan Sadıqlının elə səhvə yol verəcəyini gözləmirdim. Gənc qapıçıdır. Hər kəs səhv edə bilər. Əsas bu məğlubiyyətdən nəticə çıxarmağımız lazımdır. Biz onu dəstəklədik. İkinci hissədə hesabı bərabərləşdirmək üçün çox çalışsaq da, alınmadı. Təəssüf ki, belə yaxşı oyun göstərsək də, uduzduq".