Bəhmən Həsənov: Meydanda futbol yox, anarxiya hökm sürürdü
"Rəvan"ın baş məşqçisi Bəhmən Həsənov Topaz Premyer Liqasının 29-cu turu çərçivəsində "Zirə"yə qarşı keçirdikləri oyunu şərh edib. Azerisport.az xəbər verir ki, paytaxt klubunun çalışdırıcısı 0:4 hesabıyla bitən qarşılaşmadan sonra bunları söyləyib:
"Zirə" ilə yenidən oynasaq, onların hücumçularını bombardir etmiş olarıq. Biz bu gün qonaqlara ustalıq səviyyəsi baxımından uduzduq. Rəqibə hədiyyələr etdik, məğlub olduq. Bu gün meydanda futbol yox, anarxiya hökm sürürdü. Əsas məğlub olmaq yox, buraxdığımız qollardır. Bizim əsas rəqibimiz "Xəzər Lənkəran"dır. "Sumqayıt"a artıq çata bilmərik. "Xəzər Lənkəran"a çatmağımız üçün bizə qələbə qazanmaq lazımdır. Futbolçularımızın əksərinin Premyer Liqa təcrübəsi yoxdur. Onlar hər oyunda az qala eyni səhvləri təkrar edirlər". (СВС)
