Adil Nağıyev: Rəvana qalib gəlmək üçün əlimizdən gələni edəcəyik

"Zirə"nin müdafiəçisi Adil Nağıyev Topaz Premyer Liqasının 29-cu turu çərçivəsində "Rəvan"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Bizi sonadək mübarizə aparmağı bacaran komandaya qarşı çətin oyun gözləyir. Amma bizə də vacib üç xal lazımdır. Bunun üçün əlimizdən gələni edəcəyik. Hər qələbə bizim ikinci pillədəki mövqeyimizi daha da yaxşılaşdırır. Biz komandamızın avrokuboklara buraxılmayacağını xüsusi düşünmürük. Bu, rəhbərliyin işidir. Bizim işimiz isə oynamaqdır. "Zirə" hazırda yaxşı çıxış edir. Ümid edirəm ki, mövqeyimizi sonadək qoruya biləcəyik".