Gennadi Orlov Neftçinin necə oyun aldığını xatırladı
Məşhur rusiyalı futbol şərhçisi Gennadi Orlov bəyan edib ki, "Neftçi" SSRİ çempionatının 1977-ci il mövsümündə "Zenit"lə qarşılaşmada (3:2) oyunu "alıbmış". Azerisport.az sizi həmin açıqlama ilə tanış edir.
- Şərh etdiyiniz oyunun danışılmış olduğu ilə rastlaşmısınız?
- Bəli. Bunu ilk dəqiqələrdən görürəm. 1977-ci ildə "Zenit" Bakıda oynayırdı. Zonin baş məşqçi idi. Qolubevlə Loxov müdafiədəydi. Loxov gözlənilmədən cərimə meydançasında yıxılır və "Neftçi"nin futbolçularından biri topu ələ keçirib qol vurur. Həmin matç danışılmış idi.
- Zonin bilirdi?
- Oyundan sonra German Semyonoviçlə restoranda şam edirdik. Ələkbər Məmmədov bizə yaxınlaşıb bildirdi ki, "Gera, siz qələbə qazanmalı deyildiniz. Sizin bəzi futbolçularınız pul almışdılar". Zonin az qala dəli olacaqdı. Amma o vaxt dəqiq kimlər pul almışdı, bilinmədi. Sonradan "Zenit"dən bir neçə futbolçunu qovdular. Çünki pul aldıqları bilinirdi.
Qeyd edək ki, "Neftçi" 1977-ci ildə 13-cü yeri tutub.
