Mahir Mədətov: Üzərimdə hələ çox çalışmalıyam
"Qarabağ"ın yarımmüdafiəçisi Mahir Mədətov Topaz Premyer Liqasının 29-cu turu çərçivəsində "Kəpəz"ə qarşı keçirdikləri oyunu şərh edib. Azerisport.az xəbər verir ki, Ağdam klubunun gənc futbolçusu 4:0 hesabıyla bitən qarşılaşmadan sonra bunları söyləyib:
"Məlum olduğu kimi, son dövrlər bütün diqqətlər cəbhə bölgəsinə yönəlib. Ona görə biz də bu oyuna xüsusi hazırlaşmışdıq. Şadam ki, qələbə qazandıq. Maraqlı oyun oldu. Son matçlarda ardıcıl qollar vurmağıma gəlincə, Allaha şükür edirəm ki, epizodlar olur, bunları dəyərləndirirəm. Amma hələ üzərimdə çox işləməliyəm. Çünki komandaya tam uyğunlaşmamışam. Driblinqim, sürətim tam yaxşı deyil. Hələ əsas heyətdə yerimi təmin etdiyimi deməzdim. Kimi meydana buraxacağını baş məşqçimiz daha yaxşı bilir. Mənim vəzifəm baş məşqçinin tapşırıqlarını yerinə yetirməkdir". (CBC)
