Vəli Qasımov: Biz hər kəsə özünü isbatlamaq üçün şans verməyə çalışırıq
“Neftçi”nin baş məşqçisi Vəli Qasımov Rusiyanın "Ural" klubunun hücumçusu Elbəy Quliyevin paytaxt klubunda baxışda olarkən ona qarşı yaxşı münasibət göstərilməməsinə dair fikirlərinə münasibət bildirib. Azerisport.az saytına açıqlamasında o, bunları söyləyib:
“Neftçi”də indiyə kimi çoxlu sayda futbolçu baxışda olub. Biz hər kəsə özünü isbatlamaq üçün şans verməyə çalışırıq. Futbolda bu təbii bir prosesdir. Qışda təlim-məşq hazırlığı Bakıda təşkil olunduğu üçün bir çox futbolçuları sınamaq imkanı yaranmışdı. 14 yanvar tarixində hazırlıq çərçivəsində əsas komanda ilə əvəzedici heyətin yoxlama oyunu oldu. Həmin oyunda Elbəyi Quliyev əsas komandanın start heyətində meydana çıxdı, amma ilk hissə başa çatmamış məşqçilər heyəti onu əvəzlədi. Məncə artıq şərhə ehtiyac yoxdur. Futbolçuya gələcək karyerasında uğur arzu edirəm".
