Cabir Ağabalayev: Özüm AFFA-ya müraciət etdim, millidə oynamaq istədiyimi bildirdim

Azərbaycanın U-19 yığmasının yeni futbolçusu Cabir Ağabalayev ilk dəfə millimizə dəvət almasından danışıb. Azerisport.az saytına açıqlamasında o, bunları söyləyib:

"Mən azərbaycanlıyam, amma Rusiyada yaşayıram. Əlbəttə, bu, sadəcə bir toplanışdır və məni yoxlamağa dəvət ediblər. Özümü yaxşı tərəfdən göstərə bilsəm, millidə qala bilərəm. Hazırda çıxış etdiyim komanda "Rubin-2"-nin ehtiyat qüvvəsi hesab olunur. Mən özüm AFFA-ya müraciət etdim, Azərbaycan yığmasında oynamaq istədiyimi bildirdim. Sağ olsunlar ki, məni bu toplanışa dəvət etdilər. Gücümə inanıram. Əlbəttə, Nazim Süleymanov barəsində çox şey eşitmişəm. Ümid edirəm ki, hər şey yaxşı olacaq".