Kubokun finalı harada keçiriləcək?
Futbol üzrə Azərbaycan kubokunun final matçının harada keçiriləcəyi hələ də bəlli deyil. Azerisport.az xəbər verir ki, daha öncə həlledici qarşılaşmanın Gəncə şəhər stadionunda keçiriləcəyinə dair ehtimallar var idi.
Amma Peşəkar Futbol Liqası hələ bu barədə qəti qərar verməyə tələsmir. Hazırda həlledici matçın Bakıda Olimpiya stadionunda keçirilməsi də istisna olunmur. PFL-in mətbuat xidmətindən saytımıza verilən məlumata görə, final matçının harada keçirilməsi böyük ehtimalla həlledici oyuna kimlərin vəsiqə qazanmasından sonra bilinəcək.
Qeyd edək ki, yarımfinalda "İnter" - "Qarabağ" və "Neftçi" - "Qəbələ" matçları baş tutacaq. PFL-in finalçıların adının dəqiqləşməsini gözlədiyini nəzərə alsaq, istisna deyil ki, "Qəbələ" həlledici matça vəsiqə qazanmasa, ötən il olduğu kimi, final görüşü yenə Qəbələdə keçirilsin.
