Azərbaycanla Hollandiya arasındakı cavab matçının hakimləri

Futzal üzrə Azərbaycan və Hollandiya yığmalarının dünya çempionatına vəsiqə uğrunda keçirəcəyi cavab pley-off matçının hakim təyinatları açıqlanıb. Azerisport.az xəbər verir ki, aprelin 12-də Bakıda keçiriləcək qarşılaşmanı avstriyalı və ukraynalı hakimlər idarə edəcəklər.

Belə ki, birinci hakim Gerald Bauernfeynd (Avstriya), ikinci hakim isə Oleq İvanov (Ukrayna) təyin olunub.

Qeyd edək ki, Azərbaycan - Hollandiya matçı saat 20:00-da start götürəcək. Tərəflər arasındakı ilk oyunda millimiz 5:1 hesablı darmadağına imza atıb.