Rahid Əmirquliyev: Yəqin ki, mövsümün qalan hissəsini buraxacağam

Azərbaycan yığmasının və "Qarabağ"ın yarımmüdafiəçisi Rahid Əmirquliyev əməliyyatdan sonrakı durumu barədə danışıb. Azerisport.az saytına açıqlamasında o, bunları söyləyib:

"Tədricən məşqlərə başlamşam. Buna baxmayaraq, böyük ehtimalla, mövsümün qalan hissəsini buraxacağam. Yəqin ki, milli komandanın may ayında təşkil olunacaq təlim-məşq toplanışı və yoxlama oyunlarında da iştirak edə bilməyəcəyəm".

Qeyd edək ki, Əmirquliyev martın 2-də "Sumqayıt"a qarşı keçirilən kubok matçında zədə almışdı.