Aleksandr Panov: Dmitri Sıçovun Azərbaycana getməsinə ehtiyac yoxdur

Rusiya yığmasının sabiq hücumçusu Aleksandr Panov vaxtilə birgə oynadıqları Dmitri Sıçovun karyerasını Azərbaycanda davam etdirəcəyinə dair yayılan xəbərlərə münasibət bildirib. Azerisport.az saytına açıqlamasında o, bunları söyləyib:

"Sıçovun Azərbaycandan təklif aldığını, karyerasını orada davam etdirə biləcəyini eşitmişəm. Nə deyə bilərəm? Sıçov yaxş futbolçu olub, bir hücumçu kimi yaxşı qol duyumu var idi. Amma onun ən yaxşı illəri artıq geridə qalıb. Fikrimcə, Azərbaycana getməyə, orada ayına 5000 dollara oynamağa ehtiyac yoxdur. Bu, lazım deyil. Onun üçün ən yaxşısı karyerasını başa vurub, böyük idmanda keçirdiyi bu qədər ildən sonra yaxşıca istirahət etməkdir".