Kamran Quliyev: Aleksandr Çertoqanovun karyerasını başa vurmaq ehtimalı var

"Sumqayıt"ın prezidenti Kamran Quliyev komandanın yarımmüdafiəçisi Aleksandr Çertoqanovun mövsümün sonunda karyerasını başa vurmasının mümkünlüyündən danışıb. Azerisport.az saytına açıqlamasında o, bunları söyləyib:

"Belə bir ehtimal var ki, Çertoqanov mövsümün sonunda karyerasını başa vursun. Ona maraqlı gələn bir iş və arzusu olsa, klubumuzun strukturunda qalıb çalışa bilər. Amma məndə olan məlumata görə, o, daha çox doğmalarının yanında olmaq istəyir. Hansı ki, onlar Ukraynada yaşayırlar. Çertoqanov Azərbaycan futbolu üçün çox iş görüb. Futbolçularımızın ən azı 50 faizi öz işinə onun kimi məsuliyyətlə yanaşsayd, biz indi ən azı avrokuboklara vəsiqə urğunda mübarizə aparırdıq. Futbolçularımız Saşadan nümunə götürməlidirlər".