Sıçov Azərbaycana gəlir və ayına 5000 dollar qazanacaq?
Rusiya mətbuatı bu ölkənin yığma komandasının sabiq hücumçusu Dmitri Sıçovun Azərbaycanın paytaxt klublarından birinə keçəcəyinə dair iddia ilə çıxış edib. Azerisportaz xəbər verir ki, iddiaya görə o, paytaxtımızda ayına 5000 dollar qazanacaq.
Amma "Neftçi" və "İnter" rəsmiləri saytımıza açıqlamasında bu məlumatı təsdiqləməyib. "İnter"in mətbuat katibi Səbuhi Məmmədovu dinləyək: "Hazırda klubumuz futbolçularla müqavilə bağlamaq haqda danışıqlar aparmır. Biz mövsümün sonunu gözləyirik. Daha öncə məlum borclarımızı bağlamalıyıq. Konkret Sıçev məsələsinə gəlincə, dəqiq heç nədeyə bilmərəm. Çünki bizdə transfer məsələlərinə seleksiya qrupu baxır".
"Neftçi"nin mətbuat katibi Rüstəm Fətəliyev də bu xəbəri təkzib etdi: "Mətbuat xidmətində Sıçovla bağlı heç bir məlumat yoxdur".
