Sadiqov: Avrokuboklara vəsiqə qazana bilməsək, bu, faciə olacaq

"Qəbələ"nin yarımmüdafiəçisi Rəşad Sadiqov Topaz Premyer Liqasının 27-ci turu çərçivəsində AZAL-a qarşı keçirdikləri oyunu şərh edib. Azerisport.az saytına açıqlamasında o, 1:2 hesablı məğlubiyyətləri ilə bağlı bunları söyləyib:

"Matça yaxşı başlamışdıq, qol vurmuşduq. Bundan əlavə də üç real qol imkanımız oldu, sadəcə, yararlana bilmədik. İkinci hissədə isə qol buraxdıq və komanda özünü itirdi. İrəli atılan kimi, qapımızda daha bir top gördük. AZAL bu oyunda üç qol vəziyyəti yaratdı, ikisini vurdu. Etiraf edim ki, heç evə getmək istəmirəm. Bütün tanışlar, dostlar hamı soruşur ki, "Qəbələ" niyə uduzdu, nə baş verir? Avrokuboklara vəsiqə qazana bilməsək, bu, faciə olacaq".