Neftçi onlayn-fanşop açdı
"Neftçi" klubu azarkeşləri üçün onlayn-fanşop açıb. Azerisport.az xəbər verir ki, paytaxt klubunun bu barədə yaydığı açıqlamada bunlar qeyd olunub:
"Əziz azarkeşlər!
Bildiyiniz kimi, "Neftçi” PFK-nın rəsmi saytında (www.neftchipfk.com) onlayn-fanşop azarkeşlərin ixtiyarına verilib. Bu bölmədə siz klubun rəmzi orijinal məhsullarını asanlıqla sifariş edə bilərsiniz.
"Onlayn-fanşop”dakı məhsulların çeşid və sayı getdikcə daha da artırılacaq.
Qeyd edək ki, "Neftçi” PFK-nın orijinal məhsulları başqa heç bir mağazada satılmır.
"Onlayn-fanşop” bölməsinə daxil olaraq, bəyəndiyiniz məhsulu plastik kartı (Visa, MasterCard, Maestro) ilə sifariş etdikdə, ora öz əlaqə məlumatlarınızı daxil edirsiniz. Daha sonra biz sifariş etdiyiniz məhsulu sizə əlverişli vaxtda və məkanda çatdırırıq (evə, yaxud iş yerinə).
"Onlayn-fanşop”la bağlı fikirləriniz bizim üçün çox önəmlidir. Məhz sizin rəyləriniz və tələbləriniz sayəsində "Onlayn-fanşop”un təkmilləşdirilməsi planlaşdırılır. Xahiş edirik ki, rəylərinizi [email protected] ünvanına göndərəsiniz.
Bizim məqsədimiz günün 24 saatı azarkeşlərimizəyüksək səviyyəli xidmət göstərməkdir".
