Tural Cəlilov: Artıq qələbə qazanmağın vaxtıdır
"Xəzər Lənkəran"ın kapitanı Tural Cəlilov Topaz Premyer Liqasının 27-ci turu çərçivəsində "Sumqayıt"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:
"Bütün görüşlərdə olduğu kimi, bu oyuna da ciddi hazırlaşmışıq. "Sumqayıt"la oyunda ancaq qələbə üçün meydana çıxacağıq. Biz hər matçda maraqlı oyun sərgiləyirik. Ümid edirəm ki, qələbələrin də vaxtı gələcək. Artıq bunun vaxtıdır. Rəqibimiz yaxşı komandadır. Bu üzdən də bizə asan olmayacaq. Oyunçularından hansınısa ayrıca qeyd etmək istəməzdim. Bizə qol vurmaq vacibdir. Son dövrlər bizim əsas problemimiz məhz qol vura bilməməyimizdir. Baxmayaraq ki, qol vəziyyətlərimiz olur. "Sumqayıt"la oyunda qol epizodlarından maksimum yararlanmağa çalışmalıyıq".
