Arşak Koryan: Almaniya Azərbaycan yığması kimi müdafiədə oturmurdu

Rusiyanın U-21 yığmasının yarımmüdafiəçisi Arşak Koryan AÇ-2017-nin seçmə mərhələsi çərçivəsində ötən gecə Almaniyaya qarşı keçirdikləri oyunu (0:2) şərh edərkən, bir neçə gün öncə millimizlə baş tutan görüşü (2:2) də yada salıb. Azerisport.az xəbər verir ki, o, yerli mətbuata açıqlamasında bunları söyləyib:

"Bu gün baş tutan oyun daha baxımlı alındı. Çünki bir neçə gün öncə Azərbaycan millisinin etdiyi kimi, Almaniya yığması müdafiədə oturmurdu. Biz nəinki hücum futbolu oynayırdıq, həmçinin əks-hücumlar da qurmaq imkanı qazanırdıq".