Azərbaycan UEFA İnkişaf turnirində üçüncü oldu

16 yaşadək futbolçulardan ibarət Azərbaycan yığması Maltada təşkil olunmuş UEFA İnkişaf turnirində bu gün sonuncu - üçüncü oyununu keçirib. Azerisport.az xəbər verir ki, komandamızın üzvləri bu dəfə belaruslu həmyaşıdları ilə qarşılaşıblar.

Matç millimizin 1:2 hesablı məğlubiyyəti ilə başa çatıb. Yeganə qolumuzu 36-cı dəqiqədə penaltidən fərqlənən Kamran Quliyev vurub.

Xatırladaq ki, futbolçularımız turnirdə ilk oyununu Lixtenşteynə qarşı keçirmiş və 8:0 hesabı ilə qalib gəlmişdilər. Növbəti matçda isə yerli Malta yığması ilə qarşılaşma millimizin 0:3 hesablı məğlubuyyəti ilə nəticələnmişdi

Turnir cədvəli: Malta – 6 xal (2 oyun, top fərqi - 6:2), Belarus - 6 (3, 6-4), Azərbaycan – 3 (3, 9-5), Lixtenşteyn – 0 (2, 0-10).