"Kapitan sarğısı Bədaviyə yox, Kamrana verilməli idi"
Azərbaycan yığmasının sabiq üzvü Mirbağır İsayev millimizin Qazaxıstana qarşı keçirdiyi yoxlama oyununu (0:1) şərh edib. Azerisport.az saytına açıqlamasında o, bunları söyləyib:
"Niyə uduzduq? Bunu Robert Prosineçkidən soruşmağınız daha yaxşı olardı. Oyun komandamız üçün təkcə nəticə baxımından uğursuz alınmadı. Qol vəziyyətlərimiz də çox az idi. Hücumların sonluğu görünmürdü.
Bütün bunlar azmış kimi, Prosineçki kapitan sarğısını bu oyunda Bədavi Hüseynova tapşırdı. Mən bu məsələyə onun təkcə milliləşdirilmiş legioner olması prizmasından yanaşmaq istəmirəm. O, ölkəmizdə artıq neçə ildir çıxış edir. "Qarabağ"dan öncə "Sumqayıt"da oynayıb. Oyunun gedişində kapitan sarğısının niyə Bədaviyə tapşırıldığını anlaya bilmədim. Mən daha təcrübəli Kamran Ağayev meydanda olduğu halda, sarğını Bədaviyə verməzdim. Hətta Ağayev ikinci yarıda 10 dəqiqə də meydanda olsaydı, kapitan sarğısı ona təqdim olunmalı idi".
