AFFA kapitanlıq sarğısının niyə Bədavi Hüseynova verilməsinə aydınlıq gətirdi
AFFA ötən gün Antalyada (Türkiyə) Qazaxıstan yığmasına qarşı keçirilən yoxlama oyununda Rəşad Sadıqov meydanı tərk edəndən sonra kapitan sarğısının Bədavi Hüseynova verilməsinə çoxsaylı tənqidləri nəzərə alaraq, məsələ ilə bağlı açıqlama yayıb. Azerisport.az sizi qurumun "facebook" səhifəsindəki həmin açıqlama ilə sizi də tanış edir:
"Ötən mövsüm milli komandanın kapitanı Rəşad Sadıqov, vitse-kapitan Rahid Əmirquliyev, ehtiyat kapitan Vüqar Nadirov olub. Növbəti mövsümün əvvəlində kapitan, vitse ve ehtiyat kapitanın adı açıqlanacaq. Dünən keçirilən Azərbaycan-Qazaxıstan beynəlxalq yoldaşlıq oyununda kapitan sarğısı ilə meydana çıxan Rəşad əvəzləndiyindən, kapitan sarğısı baş məşqçinin qərarı ilə millidə ən çox oyun keçirən 2 nəfərdən birinə - Kamran Ağayevə ve Bədavi Hüseynova verilməli idi. Kamranın ikinci hissədə əvəzlənməsi nəzərdə tutulduğundan, kapitan sarğısı Bədaviyə verildi.
Qeyd edək ki, bu oyunu Rahid zədəyə görə buraxmalı olub, Vüqar isə milliyə cağırılmayıb".
