Prosineçki: Komandadan narazı deyiləm

Futbol üzrə milli komandamızın baş məşqçisi Robert Prosineçki bu gün Antalyada keçirilmiş Azərbaycan – Qazaxıstan oyunundan sonra fikirlərini bölüşüb. Azerisport.az xəbər verir ki, xorvatiyalı mütəxəssis 0:1 hesablı məğlubiyyəti belə şərh edib:

“Ümumilikdə, oyundan narazı qalmadım. Əlbəttə, səhvsiz oynamadıq. Qolu da standart vəziyyətin davamında buraxdıq. Oyundan əvvəl də dediyim kimi, bu gün daha çox sınaqdan keçirmək istədiyimiz məqamlara diqqət yetirdik. Təəssüf ki, son dəqiqələrdə çox münasib vəziyyətdə qol vura bilmədik. Konkret oyunçular barədə danışmaq istəmirəm. Hesab edirəm ki, bacarıqlarını tam nümayiş etdirə bilmədilər. Bununla belə, komandadan narazı deyiləm”.