"Futbolçularımız səviyyə baxımından azərbaycanlılardan heç də geri qalmırlar"

Futbol üzrə Qazaxıstan yığmasının məşqçisi Nurken Mazbayev Azərbaycana qarşı yoxlama oyunu öncəsi fikirlərini bölüşüb. Azerisport.az xəbər verir ki, o, bunları söyləyib:

- Azərbaycan yığmasını yaxşı öyrənmisiniz?
- Çalışırıq. Rəqibin əvvəlki oyunlarında güclü və zəif cəhətlərini aydınlaşdırırıq. Yoxlama oyunu olsa da, hər halda rəqibi öyrənmək məşqçilər korpusunun işinin bir hissəsidir.

- Son illərdə Azərbaycan yığmasında ciddi dəyişiklər olub və komandaya çoxlu gənc futbolçu cəlb olunub...
- Bəli, dəyişikliklər var. Heyətdə yaxşı futbolçular var. Məsələn, Dmitri Nazarov Almaniyada çıxış edir. Azərbaycan futbolunda inkişafın olduğunu bilirik. Amma fikrimcə, bizim futbolçular səviyyə baxımından onlardan heç də geri qalmırlar.