Millimiz Rusiyaya səfərdə də uduzmadı

21 yaşadək futbolçulardan ibarət Azərbaycan yığması AÇ-2017-nin seçmə mərhələsi çərçivəsində bu gün növbəti matçına çıxıb. Azerisport.az xəbər verir ki, millimiz səfərdə Rusiyanın qonağı olub.

Qeyd edək ki, Yaşar Vahabzadənin çalışdırdığı millimiz bu rəqibinə Bakıdakı oyunda 3:0 hesabıyla qalib gəlmişdi. Bu üzdən də rusların doğma meydanda qisas almağa çalışacağı şübhəsiz idi. Amma komandamız da səfərdən ən azı 1 xalla da qayıtmaq arzusundaydı.

Bu görüşə gəlincə, hesabı fasilədən dərhal sonra millimiz açdı. Amma ruslar qısa müddət ərzində iki qol vuraraq, hesabda önə keçməyi bacardılar. Ruhdan düşməyən yığmamız az sonra daha bir qol vuraraq, yenidən oyunda tarazlıq yaratdılar. Qarşılaşmanın qalan dəqiqələrində qapılara qol vurulmayınca, görüş sülhlə başa çatdı.

Bu gün millimizin yer aldığı 7-ci qrupda daha bir oyun keçiriləcək. Qrupun lideri Almaniya aşkar autsayder Farer adalarını qəbul edəcək.

AÇ-2017-nin seçmə mərhələsi
7-ci qrup
24 mart

Rusiya - Azərbaycan - 2:2 (0:0)
Qollar: M.Mədətov, 46 (0:1). İ.Zuyev, 51 (1:1). D.Barinov, 56 (2:1). R.Məmmədov, 59 (2:2).
Baş hakim: Tomaş Musyal (Polşa).
Rostov. "Olimp-2" stadionu.

Rusiya: 12. Mixail Borodko, 3. Vyaçeslav Karavayev, 4. Maksim Kuftin, 5. İlya Zuyev (k), 6. Dmitri Barinov, 8. Roman Zobnin, 9. Ramil Şeydayev, 14. Dmitri Yefremov (17. Aleksanr Zuyev, 77), 15. Dmitri Jivoqlyadov, 18. İlya Petrov (7. Ayaz Quliyev, 61), 22. Aleksandr Taşayev (13. Arşak Koryan, 70).
Ehtiyat oyunçular: 23. Denis Kavlinov, 2. Denis Yakuba, 11. Nikolay Komliçenko, 16. Aydar Lisinkov.
Baş məşqçi: Nikolay Pisarev.
Azərbaycan: 1. Şahruddin Məhəmmədəliyev, 2. Rahil Məmmədov, 4. Adil Nağıyev, 5. Sadiq Quliyev, 6. Vüqar Mustafayev, 7. İltər Taşkın, 8. Elşən Abdullayev (10. Elnur Cəfərov, 78), 11. Mahir Mədətov (21. Dmitri Nağıyev, 90+2), 16. Elvin Camalov, 17. Abbas Hüseynov, 20. Azər Salahlı (k).
Ehtiyat oyunçular: 22. Tərlan Əhmədli, 9. Budaq Nəsirov, 13. Tural Hümbətov, 14. Ruslan Nəsirli, 18. Kamal Mirzəyev.
Baş məşqçi: Yaşar Vahabzadə.