Portuqaliya yığması Bakıya gələcək

17 yaşadək futbolçulardan ibarət komandalar arasında Avropa çempionatının seçmə mərhələsinin elit-raundunda daha bir qrupun oyunları yekunlaşıb. Azerisport.az xəbər verir ki, 5-ci qrupda İsveç, Uels və Xorvatiya yığmalarını geridə qoyan Portuqaliya komandası bu mərhələni 1-ci pillədə başa vuraraq mayın 5-dən 21-dək Bakıda keçiriləcək Avropa çempionatına vəsiqə qazanıb.

Xatırladaq ki, daha əvvəl elit-raundun 8-ci qrupunda 1-ci yeri tutan Belçika, 3-cü qrupda qalib olan İtaliya yığması final mərhələsinə vəsiqəni təmin etmişdi.