Azərbaycanlı futbolçuların klubu darmadağınla üzləşdi

Latviya çempionatında 2-ci turun oyunları keçirilib. Azerisport.az xəbər verir ki, azərbaycanlı futbolçular - Orxan Qurbanlı ilə Mirabdulla Abbasovun komandası - "Dauqava" da növbəti matçına çıxıb.

Sözügedən komanda səfərdə Yurmala "Spartak"ı ilə qarşılaşıb. Matç futbolçularımızın komandasının məğlubiyyəti ilə başa çatıb - 0:3. Mirabdulla bu görüşün 60-cı, Orxan isə 64-cü dəqiqəsindən etibarən meydana çıxıb.

Qeyd edək ki, iki turdan sonra xalsız olan "Dauqava" 8 klub arasında sonuncu pillədə qərarlaşıb.