Marius Pena Zirəyə keçiddən niyə imtina edib?

"Bakı"nın sabiq hücumçusu Marius Pena yenidən Azərbaycana qayıda bilərmiş. Azerisport.az saytına açıqlamasında bunu təcrübəli rumıniyalı futbolçu özü bəyan edib:

"Qışda tanış məşqçilərdən biri məndən soruşdu ki, "Zirə"də oynaya bilərsən? Mən imtina etdim. Çünki yenicə qızım dünyaya gəlmişdi. Elə bir vaxtda ailəmdən uzaqda qalmaq istəmədim. Ona görə də Rumıniyada qaldım. "Bakı"da çıxış etdiyim dövrlərdən yaxşı xatirələrim qalıb. Keçmiş klubumun hazırda ciddi maliyyə problemlərinin olmasından xəbərim var. Hazırda ancaq "Qarabağ"la "Qəbələ"də belə problemin olmadığını da bilirəm. Azərbaycan futbolunda nəyin dəyişdiyini deyə bilmərəm. Amma ümid edirəm ki, hər şey yaxşı olacaq".