Deni Qaysumov: İstərdim ki, Neftçi yenidən Azərbaycan futbolunun lideri olsun
Azərbaycan yığmasının sabiq müdafiəçisi Deni Qaysumov Topaz Premyer Liqasının cari mövsümündə diqqətini daha çox çəkən klublardan danışıb. Azerisport.az saytına açıqlamasında o, bunları söyləyib:
"Azərbaycan futbolu barədə internetdən məlumat toplayıram. "Qarabağ" yenə qələbələr qazanmağa davam edir. "Zirə"yə əhsən! Debütant olmasına baxmayaraq, çox inamlı çıxış edir. "Neftçi"yə gəlincə, Əsgər Abdullayevin gəlişindən sonra komanda qələbələr qazanmağa başladı və hamıya elə gəldi ki, hər şey normallaşır və yaxşı olacaq. Bu klubda nələr baş verdiyini yaxşı bilmirəm, ona görə bu barədə çox danışmaq fikrim yoxdur. Fikrimcə, bunu Vəli Qasımov daha yaxşı bilir. "Neftçi"yə uğurlar arzulayıram və çox istəyirəm ki, bu komanda yenidən "Qarabağ" kimi, Azərbaycan futbolunun liderinə çevrilsin".
