Denis Silva: XL ilə matçı xüsusi hesab etmirəm

"İnter"in müdafiəçisi Denis Silva Topaz Premyer Liqasının 26-cı turu çərçivəsində "Xəzər Lənkəran"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Lənkərana qələbə üçün gedəcəyik. Orada xal itirmək istəmirik. Vaxtilə bu komandada çıxış etmişəm. Orada xeyli yaxşı oyunlarım olub. Amma etiraf edim ki, indi orada nələrin baş verməsi ilə xüsusi maraqlanmıram. Mənim üçün bütün oyunlar vacibdir. Ona görə də "Xəzər Lənkəran"la qarşılaşmanı xüsusi hesab etmirəm. Düzünü deyim ki, "İnter"in kubokda uğur qazanmaq şansı Premyer Liqa ilə müqayisədə daha çoxdur. Amma çempionat da bizim üçün vacibdir. Buna görə sonadək mübarizə aparacağıq".