Bəhmən Həsənov: Orada penalti yox idi
"Rəvan"ın baş məşqçisi Bəhmən Həsənov Azərbaycan kubokunun 1/4 final mərhələsi çərçivəsində "İnter"ə qarşı keçirdikləri cavab oyununu (0:3, ilk oyun – 2:1) şərh edib. Azerisport.az xəbər verir ki, o, bunları söyləyib:
"Ən azı heç-heçə etməyi çox istəyirdik. Amma qapımıza təyin olunan penalti planlarımızı korladı. Halbuki, həmin epizodda heç nə yox idi. Rəqibi qələbə münasibətilə təbrik edirəm. Bundan sonra çempionatda yaxşı çıxış etməyə çalışacağıq. Kompakt oyun sərgiləməyə üstünlük verdik. Lakin heyətlə bağlı problemlər istəyimizə çatmağımıza imkan vermədi. Cəmi bir hücumçumuz var. O da hazırda komandaya kömək edə bilmir. Abbas Hüseynov çox sürətli oyunçudur, Elvin Əliyev ona çatdırmadı. Buna görə Kənan Müslümovu meydana buraxsam da, alınmadı. Bütövlükdə, belə oyun planlaşdırmamışdıq. Hər şey fərqli alındı. "İnter"in cinahları bu gün bizə çox böyük çətinlik yaşatdılar". (CBC)
