Viktor İbekoyi: İlk qolda mənim səhvim vardı

"Zirə"nin yarımmüdafiəçisi Viktor İbekoyi Topaz Premyer Liqasının 24-cü turu çərçivəsində "Qarabağ"a qarşı keçirdikləri oyunu şərh edib. Azerisport.az saytına açıqlamasında o, 0:2 hesablı məğlubiyyətlə bağlı bunları söyləyib:

"Fikrimcə, "Qarabağ"a qarşı pis oynamadıq. Sadəcə, səhvlərimiz oldu. Bu da sonda məğlub olmağımıza gətirib çıxardı. İlk qolda mənim də səhvim vardı. Düzdür, futbolda belə səhvlər olur. Amma mən həmin səhvimə görə çox əsəbləşirəm. İstənilən halda biz öz yolumuza davam edirik. Növbəti oyunlarda da uğurlu nəticələr qazanmaq istəyirik".