Azərbaycan Niderlandla matçın hazırlığına başladı

Futzal üzrə Azərbaycan yığması dünya çempionatına vəsiqə uğrunda Niderlanda qarşı keçirəcəyi pley-off oyunlarının hazırlığına bu gün start verib. Azerisport.az xəbər verir ki, baş məşqçi Tino Peresin çalışdırdığı komandamız martın 18-nə qədər Bakıda hazırlıq keçəcək, ardından Amsterdama yollanacaq.

Millimiz toplanış müddətində yerli klublardan birinə qarşı ən azı bir yoxlama oyununa da çıxacaq. Baş məşqçi toplanışa 17 futzalçı dəvət edib. Amma sonda onlardan yalnız 14 ən güclüsünü seçəcək. Çünki hər komanda iştirak ərizəsinə yalnız bu qədər oyunçu daxil edə bilər.

Qeyd edək ki, bu komandalar arasındakı ilk oyun martın 22-də Hollandiyada keçiriləcək.